DEFA - historio
1948 - 2008

1980

La Nordia Kunveno 29.-30-03. okazis en Helsingborg kun ampleksa dana partopreno.

11.-13.04. okazis la dana jarkongreso en Næstved kun grava prepara helpo de DEFA-anoj. La ĝenerala kunveno de DEFA 12.04. enkondukis tiel nomatan poentsistemon, nome ke oni ricevas poentojn konforme al diversaj specifaj agadoj je bono de la movado. La sistemo renkontis certan kontraŭstaron kaj funkciis nur du jarojn.

La 32a IFEF-kongreso en America (NL) elektis DEFA-anon E Henning Olsen sekretario de IFEF. Per tio do du DEFA-anoj servis la internacian agadon.

20.09. okazis eksterordinara ĝenerala kunveno en la århusa libertempa kunvenejo de DJIF, kaj oni decidis aĉeti akciojn helpe al la iniciato Esperanto-Domo Århus, kiu dum pluraj jaroj aktive agis. Pluraj DEFA-­anoj laboris tie per praktikaj aferoj.

En la 65a Universala Kongreso de Esperanto en Stokholmo 02.-09-08. la IFEF-sekretario prelegis pri lingva diskriminacio dum la fervojista kontaktkunveno.

1981

Nordia Kunveno en Løten (NO) 15.-16.03. kun partopreno de 12 danoj kaj kun prelego pri pramtrafiko trans Grandan Belton dum 100 jaroj fare de Gunnar Thuesen.

Ingvard Kensing iĝis Honora Membro de DEFA en la DEFA-ĝenerala kunveno 04.04. en Fredericia lige al la dana jarkongreso.

La 33a IFEF-kongreso en Regensburg (DE) 15.-21.05. aranĝis literaturan konkurson, kaj Erna Hauge gajnis unuan premion per la traduko de Fervoja Katastrofo de Johannes Buchholtz.

DEFA starigis informan budon dum la sporta aranĝo Godsbanen rundt, same kiel antaŭaj jaroj, sed ni ne sukcesis eltrovi, kiam tio komenciĝis.

1982

Ĝenerala kunveno 20.03. en Odense lige al la dana jarkongreso, dum kiu Anders Klausen estis honorita per la distingo DEFA-ulo de la jaro. Per tio oni forlasis la malŝatatan poentsistemon.

Nordia Kunveno en Tisvildeleje 24.-26.09. en kiu Gunnar Thuesen prelegis pri DSB-5-jara plano, precipe elektrizado.

La 34a IFEF-kongreso okazis 02-08.05. en Balatonfüred (HU), en kiu E Henning Olsen ŝanĝis sian IFEF-postenon de sekretario al redaktoro, kiun taskon li plenumis ĝis 1995. Gunnar Thuesen, gvidanto de la prelegkomisiono de IFEF, enkondukis sistemon de mallongaj prelegoj, nomataj Novaĵoj de via lando, kaj en la Fakprelega Komisiono li rakontis pri la elektrizadoplanoj de DSB.

­Nordiaj Kulturaj Tagoj en Næstved (ne Esperanto), kie Per Johan Krogstie prelegis al ekstera publiko en la norvega. Dum la aranĝo Gb rundt Lene Niemann gajnis la 3000 m-kuradon antaŭ ol ŝi servis ĉe la informa budo de DEFA.

1983

Ĝenerala kunveno 19.03. en Kopenhago lige al la dana jarkongreso, en kiu E Henning Olsen estis elektita sekciestro post dujara funkcio en la posteno. La DEFA-ulo de la jaro estis Ejlif Andersen, prezidanto de DEFA Kopenhago.

Dum la 35a IFEF-kongreso en Oostende (BE) 04.­10.06. Irving B Sørensen invitis al la 37a IFEF-kongreso en Vejle post du jaroj (17.-23.05.1985). Tiu kongreso estu komuna nordia aranĝo, tiel ke la LKK konsistis el personoj de ĉiuj kvar landoj.

En Oostende Erik Mortensen prelegis pri la elektriza programo de DSB.

GB rundt 10.09. havis informan budon de DEFA.

Nordia kunveno estis planita kiel krozo inter Stokholmo kaj Turku, sed ne okazis.

Jørgen Kruse mortis 14.08. - 73-jara. Li estis plurjara prezidanto de DEFA Kopenhago, DEFA-reprezentanto en DJIF, gvidanto de la koresponda kurso kaj grava helpanto en la produkto de DEFA-bulteno.

1984

En 15 numeroj de DSB-fritid aperis mini-kurso en Esperanto. DEFA provas danlingvan informilon en formo de A4-folio Esperanto-nyt.

Ĝenerala kunveno 07.04. en Århus nomumis du DEFA-ulojn: Grethe Jensen, Århus, kaj Svend Andersen, Ballerup (antaŭa prezidanto de la kopenhaga grupo kaj ĉiam aktiva en la kluba vivo).

La 36a IFEF­kongreso okazis en Slanĉev Brjag (BG) 12.-18.05. dum kiu DEFA-anoj disdonis invitilojn al la venontjara kongreso en Danio.

Nordia kunveno 01.-02.09. inter Stokholmo kaj Mariehamn (Alando).

Dum pluraj jaroj ni uzis en niaj artikoloj en DJIF-­fritid la rondan simbolon de la Esperanto-centro de Århus, sed ek de junio 1984 ni uzis la novan emblemon kun flugilrado en esperantostelo kun rondigita kvarangula kadro.